top of page

英國9月週末活動推介

Updated: Oct 2, 2023



揾緊9月週末好去處? 小編搜羅了幾個英國各大城市的週末好去處!無論是享受家庭親子樂、 狗狗同樂日抑或是拍拖活動,又或者是想和一班朋友去玩,都可以睇下以下推介!


全國通行的活動推介:


英國國家電影日 享受大螢幕體驗

國家電影日即將到來-9月2日星期六,電影票全日只需3 英鎊。

在英國,會有數百間家電影院參加,約佔全國大銀幕的三分之二。電影院包括 Odeon、Vue、Cineworld、Showcase、Empire 和 Picturehouse 等連鎖店。


參與嘅戲院將會提供£3優恵票價,係時候約下朋友同家人一齊坐下來,好好享受看電影樂趣!有興趣想搵參與戲院同訂票可以按以下連結查詢:https://nationalcinemaday.uk

另外小編提提大家:網上訂票,唔同戲院有唔同手續費!詳情可查看唔同戲院嘅官網。



除了以上活動九月還有另外一個全國性的英國古蹟開放日, 詳情可以查看: 英國古蹟免費開放日9月8至17日


倫敦九月活動推介:


1. 一年一度的泰國美食節下一站倫敦!

今年,這個活動計劃於9月2日至3日在倫敦的Ealing common(W5 3HN)舉行。活動時間為兩天,每天從上午10點至晚上7點。 兩天的活動會呈現各種傳統泰國文化,包括泰國民間音樂、舞蹈和lady boy show 等等。

當然除了節目外,還有各款正宗的泰國美食攤檔和攤位售賣泰國傳統食品,感覺就像去了泰國街頭品嚐緊街邊的泰國小食。 入場的朋友除了可以一邊欣賞表演和正宗的泰國美食外, 還可以感受一下他們提供的泰式按摩,好好放鬆一下。 有興趣嘅朋友可以睇小編之前的介紹: 一年一度的泰國美食節下一站倫敦


2. 倫敦最高觀景台將於九月開幕,大家可以免費觀星同欣賞風景!

Horizon 22預計會在9月27日在倫敦正式開幕, 屆時將會成為全歐洲最高的免費觀景台! 參觀人士只需要在 41 秒內通過乘坐兩部高速電梯(每秒8 米)從1樓直達58樓。 由於該觀光景台距離地面 254 米,略高於河對岸倫敦最高摩天大樓72 層Shard— 244 米高的景觀。有興趣計劃去參觀嘅朋友可以係9月20日開始在官方網站預約,每位遊客最多可預訂9張門票。。


另外,Horizon 22 的58樓景觀將會全年無休,每週七日開放(聖誕節、節令日同新年前夕除外),而每日都會有少量即場預留位置。 開放時間係平日上午10時至下午6時,星期六上午10時至下午5時,星期日同公眾假期上午10時至下午4時。有興趣嘅朋友記得上官網預約! https://horizon22.co.uk/



Reading九月活動推介:

英國最大的充氣主題樂園即將登陸Reading

嚟緊九月週末帶小朋友去邊好?英國最大的充氣主題樂園即將於9月16日(星期六)至9月17日(星期日)喺Reading 雷丁(RG1 8BD)開放,然後將於9月23日(星期六)至9月24日(星期日)再次開放。每天開放時間為上午10時至下午5時,只需£9即可購買全日通行證(不包括空中彈跳、太空球、wipeout等遊戲,活動需另外支付£2.50 - £3),適用於2至14歲的兒童!陪同的成年人可免費入場。

現場更提供熱食和飲品、雪糕及洗手間設施。除了享受家庭親子樂外,這個活動絕對係小朋友放電首選!



Whitstable九月活動推介:


鍾意食生蠔嘅朋友,機會黎啦! Whitstable Rocks Oyster Festival🦪

英國東南部嘅Whitstable以盛產又大又新鮮嘅生蠔聞名,每年都會吸引各地人士慕名前往。而今年舉行嘅Whitstable Rocks Oyster Festival會係9月15日(星期五)至9月17日(星期日)連續三日舉行!到時除了美食攤位同音樂表演外,仲有有大受歡迎嘅拔河比賽、Grotter、生蠔登陸儀式、捕蟹等比賽。


有興趣嘅朋友不妨邊吹住海風聽音樂,一邊嘆住手工啤食生蠔!詳情請瀏覽 www.whitstablerocksoysterfestival.com



Bristol、Hertfordshire及Yorkshire九月活動推介:


英國最大的狗狗活動——DogFest

英國人視狗狗狗為家庭的一員, 所以每年都會舉辦各種狗狗活動,鼓勵人們與狗狗互動。 其中一個大型的狗狗活動就是DogFest! 今個9月,只剩下3場活動,分別在Bristol (9月2-3日)、Hertfordshire(9月9-10日)及Yorkshire(9月23-24日) 。


這個活動屆時將會有超過 100 個購物攤位和 10 多個充滿樂趣的活動,包括Book Your Pet (狗狗賽跑)、Catch the Flag ( 透過誘餌鼓勵狗狗們追逐)。此外,還有 2 公里或 4 公里的大型狗狗遊行,參加者可以與其他愛狗人士一起在古老莊園美麗的場地上放鬆散步。 此外,活動當天大會更安排了犬隻訓練專家到現場為各位參加人士提供狗狗訓練技巧和建議, 現場設有多個不同的狗狗獎牌,例如 Best Rescue(最佳救援)、Most Fabulous Fella and Loveliest Lady ( 最佳 / 迷人靚仔、靚女)等獎項。


除了狗狗玩樂之外,狗主人們更可以參加同品種狗狗聚會, 認識相同品種的家庭, 互相分享狗狗的生活趣事。將有超過 20 個食品和飲料攤位,供應各種節日美食飲料! 有興趣的朋友可以到以下網站購買門票 :


Comments


bottom of page